សមត្ថកិច្ចឃាត់ខ្លួនឃាតករដែលសម្លាប់ប្រពន្ធនិងកូននៅស្រុកកណ្តាលស្ទឹងបានហើយត្រង់ច្រកព្រំដែនប៉ោយប៉ែត
ប៉ោយប៉ែត៖ ករណីប្ដីកាប់សម្លាប់ប្រពន្ធនិងកូន នៅស្រុកកណ្ដាលស្ទឹង ពេលនេះជនល្មើសត្រូវបានសមត្ថកិច្ចឃាត់ខ្លួនបានហើយនៅច្រកព្រំដែនប៉ោយប៉ែត។
ជនសង្ស័យជាប្តីដោយសារតែភ្លើងប្រច័ណ្ឌ បានអារកសម្លាប់ប្រពន្ធ និងកូនស្រីអាយុ ២ឆ្នាំ ហើយរត់គេចខ្លួនបាត់ស្រមោល ស្រុកកណ្តាលស្ទឹង ខេត្តកណ្តាល ត្រូវកម្លាំងសមត្ថកិច្ចឃាត់ខ្លួនបានហេីយ នៅថ្ងៃសៅរ៍ ទី៧ ខែតុលា ២០២៣ នៅក្នុងភូមិឃុំចាន់គីរីក្រុងប៉ោយប៉ែត ខេត្តបន្ទាយមានជ័យ។
គួរឱ្យដឹងដែរថា ករណីឃាតកម្មដ៏រន្ធត់ប្ដីកាប់សម្លាប់ប្រពន្ធនិងកូនស្លាប់ក្នុងផ្ទះខ្លួនឯង ដែលហេតុការណ៍នេះកើតឡើងនៅព្រឹកថ្ងៃសុក្រ ទី៦ ខែតុលាឆ្នាំ ២០២៣ ស្ថិតនៅភូមិពោធិ៍ស្មាត ឃុំជើងកើប ស្រុកកណ្ដាលស្ទឹង ខេត្តកណ្ដាល ដោយសង្ស័យព្រោះភ្លើងប្រច័ណ្ឌ៕
